?

Log in

No account? Create an account
uladzimer [entries|archive|friends|userinfo]
uladzimer

[ userinfo | livejournal userinfo ]
[ archive | journal archive ]

* * * [Nov. 20th, 2017|08:58 pm]
uladzimer
Уцячы на пару дзён. Сядзіба на беразе возера, лес, цішыня. Ніякага інтэрнэту, тэлевізіі, і мабілку пакінуць у гарадской кватэры...
Link11 comments|Leave a comment

Нядзеля [Nov. 19th, 2017|10:43 am]
uladzimer
[Tags|, ]

Даруй, сьвятая Нядзелька, што даводзіцца працаваць і ўпірацца, як быццам у кляты панядзелак. Нічога, ад сонцаварота зажывем весялей. Пры любых раскладах...
LinkLeave a comment

Падарожнае [Nov. 18th, 2017|04:49 pm]
uladzimer
[Tags|, ]



Не вытрываў больш за кампом. Апрануўся ў сваю палявую фармягу і даў недзе 17 км пешкі па полацкіх ваколіцах. Агледзіны, можна сказаць. "Ці гэты скарб не збрыў дзе проч, ці трутнем ён ня з'едзены". Ага, пра трутняў. У газэтах і на тэлебачаньні ўжо даўна адрапартавалі, што ўборка зерне-бабовых пасьпяхова скончана. Але ж пад самым Полацкам гібеюць палі кукурузы, і, па ўсім відаць, пойдуць пад сьнег. Калгасы, іх макаўку, і ёсьць калгасы, як ты іх не назаві.

Link4 comments|Leave a comment

Дзень студэнта [Nov. 17th, 2017|06:38 pm]
uladzimer
[Tags|]

Ледзь не забыўся...
Шчыра віншую сваіх і чужых, цяперашніх і былых студэнтаў / магістрантаў / асьпірантаў зь Днём студэнта!
Зычу жыцьцёвага аптымізму, шанцунку на сэсіі і ўнутранай гармоніі, каб гады навучаньня не здаваліся выкінутымі вон з жыцьця.
Наперадзе выходныя, таму, хай будзе і ночка вясёлай!
Link3 comments|Leave a comment

Музыка і тэкст [Nov. 17th, 2017|06:07 pm]
uladzimer
[Tags|, ]

Слухаю Radiohead і пішу водгукі на самога сябе - самая дуркаватая пісаніна, што можа быць. І хваліць сябе неяк няёмка, і крытыкаваць сябе любімага - не ў дугу. Вось тут і Radiohead да месца: пад спакойную музычку прасьцей прадукаваць нейкія нейтральныя соплі...
Link1 comment|Leave a comment

Акуляры [Nov. 16th, 2017|08:37 pm]
uladzimer
[Tags|]

Калі ў якасьці "працоўнага станка" - кампутар, за якім дзень і ноч сьлепіш вочы, дык дабром гэта ня скончыцца. Давялося замовіць сабе акуляры. Ёксель-моксель!
Link7 comments|Leave a comment

Пытаньне [Nov. 14th, 2017|09:53 pm]
uladzimer
[Tags|]

Ці прапусьцяць літоўцы з латыскай "нераспакаванай" візай? 
Link4 comments|Leave a comment

Ліса [Nov. 14th, 2017|01:21 pm]
uladzimer
[Tags|]

У цырульню пад маім вакном забегла ліса. Зьдзівіўся, бо звычайна тутэйшыя лісы стрыгуцца і прыводзяць у парадак кіпці ў наваполацкіх цырульнях, дзе лес падступае да жылых кварталаў. Навошта? Нават, калі ліса мышкуе, яна ўсё адно хоча выглядаць каралеўнай...
LinkLeave a comment

Падарожнае [Nov. 13th, 2017|09:48 pm]
uladzimer
[Tags|]

*    *    *
Ранішнім сутоньнем брыду на прыпынак. Барэтка на галаве, скураны партфель на плячы... Абганяю мамку з малой дзяўчынкай. Малая капрызіць, а маці яе страшыць за маёй сьпінай: - Сейчас тебя дядя міліціонер заберёт!
Але дзяўчынка скептычна заўважае: - Это - не дядя міліціонер, а какой-то рабочій...
Добры знак! - пасьміхнуўся я сам сабе.

*     *    *
Пад мокрым сьнегам, на Бабруйскай чакаю маршрутку на Полацк. Побач стаіць прыгожая пара: мілавідная і стыльная жанчына і брутальны, каталожны мужчына ў маднявым цяперака стылі "а ля лесаруб". Высокі, плячысты, кароткая стрыжка, барада... Абодвум каля 30.
Тры разы спыняліся на дарозе, бо брутальнага барадача ўкачвала да ванітаў, нібы саплівага дзіцёнка. Клапатлівая спадарожніца выбягала за ім, каб змыць нябогу мінеральнай вадой...
Не асуджаю, не крытыкую, не зьдзекваюся, а раніцай - галюся.
Link4 comments|Leave a comment

Падарожнае [Nov. 12th, 2017|10:09 pm]
uladzimer
[Tags|]

Заўтра праведаю Полацкі, Ушацкі, Лепельскі, Докшыцкі, Лагойскі раёны, перакушу ў Мінску, каб потым праведаць Лагойскі, Докшыцкі, Лепельскі, Ушацкі і Полацкі раёны, а спаць легчы ўжо дома :)
LinkLeave a comment

navigation
[ viewing | most recent entries ]
[ go | earlier ]